SHOLASSI ԶԱՆՈ - ԹԵՍՏ

SHOLASSI ZANO-TEST

Վիտամին D-ի արագ թեստ (մատից վերցվող արյուն)

ներդիր-թերթիկ

Ինքնաթեստավորման համար

REF OVD-402H (հայերեն)

Արագ թեստը 25-հիդրօքսիվիտամին D-ի կիսաքանակական հայտնաբերում է, որը կատարվում է մատից վերցված արյան միջոցով: Ինքնաթեստավորումը նախատեսված է in vitro տարբերակով ախտորոշիչ օգտագործման համար:

ԿԻՐԱՌՈՒՄԸ

Վիտամին D-ի արագ փորձարկման թեստը արագ քրոմատոգրաֆիկ իմունային անալիզ է՝ մարդու արյան մեջ 25-հիդրօքսիվիտամին D (25 (OH) D)-ի կիսաքանակական հայտնաբերման համար: Այս թեստը տալիս է նախնական ախտորոշիչ թեստի արդյունք և կարող է օգտագործվել վիտամին D-ի անբավարարության սքրինինգի համար:

ԱՄՓՈՓՈՒՄ

Վիտամին D-ն պատկանում է ճարպալույծ վիտամինների խմբին, որը պատասխանատու է աղիներում կալցիումի, երկաթի, մագնեզիումի, ֆոսֆատի և ցինկի ներծծումը մեծացնելու համար: Այս խմբի ամենակարևոր միացություններն են վիտամին D3-ը և վիտամին D2-ը¹: Վիտամին D3-ը արտադրվում է մարդու մաշկի մեջ ուլտրամանուշակագույն լույսի ազդեցության տակ, իսկ վիտամին D2-ը հիմնականում ստացվում է սննդից: Վիտամին D-ն տեղափոխվում է լյարդ, որտեղ այն մետաբոլիզվում է մինչև 25-հիդրօքսի վիտամին D: Բժշկության մեջ 25-հիդրօքսի վիտամին D-ի՝ արյան նմուշով կատարվող թեստավորումն օգտագործվում է օրգանիզմում վիտամին D-ի կոնցենտրացիան որոշելու համար: Արյան մեջ 25-հիդրօքսի վիտամին D-ի կոնցենտրացիան (ներառյալ D2 և D3) համարվում է վիտամին D-ի կարգավիճակի լավագույն ցուցանիշը: Վիտամին D-ի դեֆիցիտն այժմ համարվում է համաշխարհային համաճարակ: Մեր մարմնի գրեթե յուրաքանչյուր բջիջ ունի D վիտամինի ընկալիչներ, ինչը նշանակում է, որ դրանք բոլորն էլ պահանջում են վիտամին D-ի «բավարար» մակարդակ՝ համարժեք գործելու համար: Վիտամին D-ի պակասի հետ կապված առողջական վտանգները շատ ավելի լուրջ են, քան նախկինում ենթադրվում էր: Վերջինիս պակասն առաջացնում է տարբեր լուրջ հիվանդություններ՝ օստեոպորոզ, օստեոմալացիա, բազմակի սկլերոզ, սրտանոթային հիվանդություններ, հղիության բարդություններ, շաքարախտ, դեպրեսիա, կաթվածներ, աուտոիմուն հիվանդություններ, գրիպ, տարբեր քաղցկեղներ, վարակիչ հիվանդություններ, Ալցհեյմերի հիվանդություն և այլն:

ՍԿԶԲՈՒՆՔ

Վիտամին D-ի արագ թեստը իմունային թեստ է, որը հիմնված է մրցակցային կապի սկզբունքի վրա: Փորձարկման ընթացքում խառնուրդը մազանոթային ազդեցությամբ քրոմատոգրաֆիկ կերպով շարժվում է դեպի վեր մակերեսի վրա: Փորձարկման գծի թաղանթը պատված է 25 (OH) D անտիգենային շերտով։ Փորձարկման ընթացքում նմուշում առկա 25 (OH) D-ն մրցում է փորձարկման գծի 25 (OH) D-ի հետ՝ փոխազդեցության մեջ մտնելով հակա-25 OH վիտամին D հակամարմինների սահմանափակ քանակի համար: Որքան բարձր է 25 (OH) D-ի կոնցենտրացիան նմուշում, այնքան ավելի բաց կլինի T գիծը: Արդյունքը կկարդացվի փաթեթի հետ տրամադրվող գունային քարտի համաձայն:

Որպես հսկողություն՝ հսկիչ գծի տարածքում միշտ հայտնվում է գունավոր գիծ, ​​որը ցույց է տալիս, որ նմուշի ծավալը ավելացվել է և տեղի է ունեցել թաղանթի հետ փոխազդեցություն:

ՆԱԽԱԶԳՈՒՇԱԿԱՆ ՄԻՋՈՑՆԵՐ

Խնդրում ենք կարդալ այս ներդիր-թերթիկի ամբողջ տեղեկատվությունը նախքան թեստը կատարելը:

• Ինքնաթեստավորումն օգտագործել միայն in vitro ախտորոշիչ տարբերակով:

• Չուտել, չխմել ու չծխել այն տարածքում, որտեղ կատարվում է թեստավորումը։

• Պահել չոր տեղում 2-30 °C (36-86 °F) ջերմաստիճանում՝ խուսափելով ավելորդ խոնավությունից: Եթե ​​փայլաթիթեղի փաթեթավորումը վնասված է կամ բացվել է, խնդրում ենք չօգտագործել:

• Այս թեստային փաթեթը նախատեսված է միայն որպես նախնական թեստ, և ոչ բավարար արդյունքները պետք է քննարկվեն բժշկի կամ մասնագետի հետ:

• Խստորեն հետևել թեստի կատարման ժամանակահատվածին։

• Օգտագործել թեստը միայն մեկ անգամ: Չի թույլատրվում հպվել թեստային սկավառակի փորձարկման պատուհանին:

• Փաթեթը չպետք է սառեցվի կամ օգտագործվի նշված պիտանելիության ժամկետի ավարտից հետո:

• Պահել երեխաների համար անհասանելի վայրում:

• Օգտագործված թեստը պետք է դեն նետել։

ՊԱՀՊԱՆՈՒՄ ԵՎ ԿԱՅՈՒՆՈՒԹՅՈՒՆ

Պահել այնպես, ինչպես փաթեթավորված է փակ տուփի մեջ՝ կամ սենյակային ջերմաստիճանում կամ սառնարանում (2-30 °C): Թեստը կայուն է տուփի վրա նշված պիտանելիության ժամկետի ընթացքում: Թեստը մինչև կիրառելը պետք է մնա փակ տուփի մեջ: Չսառեցնել և չօգտագործել պիտանելիության ժամկետը լրանալուց հետո:

ԿԱՐԳԸ

1. Լվացեք ձեռքերն օճառով և տաք ջրով։

2. Թեստը բացելուց առաջ այն պահեք սենյակային ջերմաստիճանում: Բացեք թեստը, հանեք սկավառակը և դրեք այն մաքուր ու հարթ մակերեսի վրա: Կատարեք թեստը մեկ ժամվա ընթացքում: Արդյունքները ստույգ կստացվեն, եթե թեստը կատարվի թեստի փաթեթավորումը բացելուց անմիջապես հետո:

Վերցրեք կաթոցիչը, բուֆերային սրվակը, նշտարը և ալկոհոլային անձեռոցիկը, դրեք դրանք փորձարկման նմուշին մոտ:

3. Զգուշորեն հանեք և դեն նետեք փականը:

4. Օգտագործեք տրամադրված ալկոհոլային անձեռոցիկը միջնամատի կամ մատնեմատի ծայրը մաքրելու համար։ Սպասեք չորանալուն:

5. Սեղմեք նշտարն այն կողմում, որտեղից հանվել է փականը։ Օգտագործելուց հետո ծայրն ինքնաբերաբար և անխոչընդոտ հետ է քաշվում: Մերսեք ձեռքն՝ առանց ծակելու տեղին դիպչելու՝ միջնամատի կամ մատնեմատի ծայրի ուղղությամբ:

6. Ձեռքը ներքեւ պահելով՝ մերսեք այն ծայրը, որը ծակվել էր՝ արյան կաթիլ ստանալու համար:

7. Առանց սեղմելու վերցրեք արյունը՝ մազանոթային կաթոցիչով։ Արյունը վերցրեք մինչև մազանոթային կաթոցիչի վրայի նշված գիծը։

Եթե ​​արյունը չի հասնում նշված գծին, կարող եք կրկին մերսել ձեր մատը՝ ավելի շատ արյուն ստանալու համար: Խուսափեք օդային պղպջակների առաջացումից:

8. Կաթեցրեք հավաքված արյունը թեստի նմուշի մեջ (S)՝ սեղմելով կաթոցիչը:

9. Սպասեք, որ արյունն ամբողջությամբ թափվի նմուշի մեջ: Հանեք շշի պտուտակը և 2 կաթիլ բուֆեր ավելացրեք թեստի բուֆերային անցքի մեջ (B) և պահեք ժամանակաչափը:

10. Սպասեք, որ գունավոր տող(եր)ը հայտնվեն: Կարդացեք արդյունքները 10 րոպեի ընթացքում: Համեմատեք T գծի ինտենսիվությունը «Վիտամին D գունային քարտի» հետ, որը տրամադրվում է փաթեթի հետ՝ ձեր արյան մեջ վիտամին D-ի մակարդակը ստուգելու համար: 20 րոպե հետո արդյունքն արդեն անվավեր է համարվում:

ԿԱՐԴԱԼ  ԱՐԴՅՈՒՆՔՆԵՐԸ  (Խնդրում ենք ծանոթանալ նկարին և համեմատել T գծի ինտենսիվությունը «Վիտամին D գունային քարտի» հետ, որը տրամադրվում է փորձարկման թեստի հավաքածուի հետ:)

Նշում. Մի խառնեք և մի օգտագործեք վիտամին D գունային քարտը տարբեր խմբաքանակներից:

ՎԵՐԱՀՍԿՈՂՈՒԹՅԱՆ ԿԱՐԳԸ

Թեստում ներառված է օգտագործման ընթացակարգը: Վերահսկիչ տեղամասում (C) հայտնված գունավոր գիծը ներքին ընթացակարգային հսկողությունն է: Այն հաստատում է նմուշի բավարար ծավալը և կատարման ճիշտ տեխնիկան:

ՍԱՀՄԱՆԱՓԱԿՈՒՄՆԵՐ

1. Վիտամին D-ի արագ փորձարկման թեստն ապահովում է միայն կիսաքանակական անալիտիկ արդյունք: Հաստատված արդյունք ստանալու համար պետք է օգտագործվի երկրորդական վերլուծական մեթոդ:

2. Հնարավոր է, որ տեխնիկական կամ ընթացակարգային սխալները, ինչպես նաև այլ խանգարող հանգամանքներն արյան նմուշում հանգեցնեն սխալ արդյունքների:

3. Ինչպես բոլոր ախտորոշիչ թեստերի դեպքում, բոլոր արդյունքները պետք է հաշվի առնվեն բժշկին հասանելի այլ կլինիկական տեղեկատվության հետ միասին:

4. Կլինիկորեն հասանելի այլ թեստեր են պահանջվում, եթե կասկածելի արդյունքներ են ստացվում:

Կատարման բնութագրեր

Ճշգրտություն

Կլինիկական գնահատում է իրականացվել՝ համեմատելով Վիտամին D-ի արագ թեստի միջոցով ստացված արդյունքները նախնական սարքի հետ (Վիտամին D արագ թեստ): Ներքին կլինիկական փորձարկումը ներառում էր ամբողջական արյան 90 նմուշ: Արդյունքները ցույց են տվել 94,4% ընդհանուր ճշգրտություն:

ՀԱՎԵԼՅԱԼ ՏԵՂԵԿՈՒԹՅՈՒՆՆԵՐ

1. Ինչպե՞ս է գործում վիտամին D-ի թեստը:

Օրգանիզմում վիտամին D-ն լինում է 25-հիդրօքսի Վիտամին D-ի ձևով: Հետևաբար, վիտամին D-ի ընդհանուր կարգավիճակը կարելի է որոշել՝ հայտնաբերելով 25-հիդրօքսի վիտամին D-ի պարունակությունը: 25-հիդրօքսի վիտամին D-ի մակարդակը 30 նգ/մլ-ից պակաս դրական արդյունքի դեպքում վկայում է վիտամին D-ի պակասուրդի կամ անբավարարության մասին: Այս դեպքերում կարող են առաջարկվել վիտամին D-ի հավելումներ:

2. Ե՞րբ է անհրաժեշտ օգտագործել թեստը:

25-հիդրօքսի վիտամին D-ի կլինիկական կիրառումը հիմնականում նախատեսված է ռախիտի (երեխաների), օստեոմալացիայի, հետդաշտանադադարային օստեոպորոզի և երիկամային օստեոպաթիայի ախտորոշման, բուժման և մոնիտորինգի համար: Վիտամին D-ի պակասը կապված է նաև բազմաթիվ այլ հիվանդությունների, այդ թվում՝ քաղցկեղի, սրտանոթային հիվանդությունների, աուտոիմուն հիվանդությունների, շաքարախտի և դեպրեսիայի հետ: Թեստ կիրառեք, վիտամին D-ի մակարդակը որոշելու համար, որպեսզի հասկանաք արդյոք անհրաժե՞շտ է ընդունել վիտամին D-ի հավելումներ: Վիտամին D-ի արագ թեստը կարելի է օգտագործել օրվա ցանկացած ժամի:

3. Արդյունքը կարո՞ղ է սխալ լինել:

Եթե հրահանգները ճիշտ են կատարվում, արդյունքները լինում են ճշգրիտ: Այնուամենայնիվ, արդյունքը կարող է սխալ լինել, եթե Վիտամին D-ի արագ թեստը թրջվի նախքան փորձարկումն իրականացնելը, կամ եթե նմուշում արյան քանակը բավարար չէ, կամ եթե բուֆեր հեղուկի քանակը 2 կաթիլից պակաս է կամ 3 կաթիլից ավելի: Տուփում տեղադրված կաթոցիչը թույլ է տալիս համոզվել, որ հավաքված արյան ծավալը ճիշտ է: Բացի այդ, հաշվի առնելով իմունոլոգիական սկզբունքները, կեղծ արդյունքների հավանականությունը շատ քիչ է: Նման հետազոտությունների համար միշտ խորհուրդ է տրվում խորհրդակցել բժշկի հետ:

4. Ինչպե՞ս մեկնաբանել թեստը, եթե գծերի գույնը և ինտենսիվությունը տարբեր են:

Խնդրում ենք ծանոթանալ նկարներին և համեմատել T գծի ինտենսիվությունը «Վիտամին D գունային քարտի» հետ, որը տրամադրվում է թեստի հավաքածուի հետ:

5. Եթե 20 րոպե հետո կարդացվի արդյունքը, արդյունքը վստահելի կլինի՞:

Ոչ: Արդյունքը պետք է կարդալ բուֆերը ավելացնելուց 10 րոպե անց: Արդյունքը հավաստի չի լինի թեստը կատարելուց 20 րոպե անց։

6. Ի՞նչ պետք է անել, եթե արդյունքը պակասուրդ է կամ անբավարար:

Եթե ​​արդյունքը պակասուրդ կամ անբավարար է, դա նշանակում է, որ վիտամին D-ի մակարդակը արյան մեջ 30 նգ/մլ-ից պակաս է, և որ դուք պետք է խորհրդակցեք բժշկի հետ և ցույց տաք թեստի արդյունքը: Բժիշկը կորոշի, թե արդյոք լրացուցիչ հետազոտություն պե՞տք է կատարվի, թե ոչ:

7. Ի՞նչ պետք է անել, եթե արդյունքը բավարար է:

Եթե ​​արդյունքը բավարար է, նշանակում է, որ վիտամին D-ի մակարդակը բարձր է կամ հավասար 30 նգ/մլ եւ գտնվում է նորմայի սահմանում: Վիտամին D թունայնության դեպքը (հիպերկալցեմիա) չնայած հազվադեպ է, բայց չի կարող բացառվել՝ հիմնվելով փորձարկված արդյունքների վրա: Այնուամենայնիվ, եթե ախտանիշները շարունակվեն, խորհուրդ է տրվում խորհրդակցել բժշկի հետ:

ՀՂՈՒՄՆԵՐ

1.             1. Holick MF (մարտ 2006): Վիտամին D-ի անբավարարության բարձր տարածվածությունը և դրա հետևանքներն առողջության համար. Mayo Clinic Proceedings՝ 81 (3): 353–73։

2.             2. Eriksen EF, Glerup H (2002): Վիտամին D-ի անբավարարություն և ծերացում. հետևանքներ ընդհանուր առողջության եւ օստեոպորոզի համար: Biogerontology  3 (1-2): 73-7.

3.             3. Grant WB, Holick MF (հունիս 2005): Վիտամին D-ի օգուտներն ու պահանջները օպտիմալ առողջության համար՝ Alternative Medicine Review.10 (2): 94–111.

Արտադրված է «Գիգա ֆարմ» ՍՊԸ պատվերով և վերահսկողությամբ: ՀՀ, 3101, ք. Գյումրի, փ. Գոգունց 3/5: Հեռ.՝ +374 94 000 264, +7 989 633 57 59, էլ. հասցե: gig.am@mail.ru, www.gigafarm.ru, www.sholassi.com. «Sholassi»-ն հանդիսանում է «Գիգա ֆարմ» ՍՊԸ-ի ապրանքանիշը: